Inatsisartut ataatsimiinneranni oqallittarneq sakkortuallaarpoq
Qinersisartut isumasiorneqarmata amerlanerusut isumaqarput oqallittarneq sakkortuallaartoq.
Politikerit sakkortuallaamik imminnut oqaluuttarput, qinersisartut sisamaagaangata pingasut taamatut isumaqarput.
Taamatut allaaserisaqarpoq aviisi Sermitsiaq, qinerisisartunik isumasiuisarfik HS Analyse suleqatigalugu suliarineqarsimasoq malillugu.
Qinersisartut partiimik IA-mik qinersisartut amerlanerusut isumaqarput, inatsisartuni oqallittarneq sakkortuallaartartoq, illuatungaani partiimik Siumumik qinersisartut isumaqanngillat, inatsisartuni oqallittarneq sakkortusoq.
Inatsisartuni oqallittoqqortillugu sakkortunerarlugu isummertuni arnat amerlanerupput.
Inatsisartuni oqallittoqartillugu sakkortuallaamik oqallittoqartarnerarlu qinersisartut isumasiorneqarmata, aalisartut piniartullu isumaqataanngillat, illuatungaani atorfillit isumaqarlutik inatsisartuni oqallittarneq sakkortuallaartartoq.
Inatsisartuni ataatsimiittoqartillugu oqallittarnermi isumaqatigiittoqarsinnaanngineq pillugu politikerit arlaqartut oqaatiginikuuaat, tamatumalu kingorna qinersisartunik isumasiusitsineqarpoq, aviisi Sermitsiaq taamatut allaaserisaqarpoq.
