Inatsisartut ataatsimiinneranni apeqquterpassuit
marsip 07-at 2006 06:10
Inatsisartut ukiuunerani ataatsimiinnerminni sapaatit-akunnerisa sisamassaat ullumi aallartissavaat.
Sapaatip-akunnera manna Inatsisartuni ilaasortat Naalakkersuisunut apeqquterpassuinik imaqarpoq.
Naalakkersuisunut apeqquteqaatit 18-iusut pingajorarterutaat Kattusseqatigiit Partiianneersumit Anthon Frederiksen-imit apeqqutaapput.
Ernereernermi sulinngiffeqartarnerup sivitsorneqarnissaanut siunnersuut aappassaaneerlugu Inatsisartunit aamma oqaluuserineqassaaq.
Tamatuma saniatigut assigiimmik akeqartitsinerup atorunnaarsinneqarnerata kingorna nunaqarfiit ineriartortinneqarnissaannut apeqqut oqaluuserineqassaaq, aamma nunatsinni angallannikkut pitsanngorsaasinnaanermut periarfissaasinnaasut oqaluuserineqassallutik.
