Inatsisartut aningaasaqarnermut ataatsimiititaliaat Qaanaami
Inatsisartut aningaasaqarnermut ataatsimiititaliaa Qaanaameeqqammerlunilu Pituffimmeeqqammerpoq. Paasisassarsiorluni angalasoqarpoq, ajornartorsiutit suut aaqqiiviginiarneqartariaqarnersut paasiniarneqarluni.
Aningaasanut inatsisissap itinerusumik sammineqarnissaa aamma siunniunneqarpoq.
Missingersuutit ataatsimiititaliamit qimerloorneqassapput, naalakkersuisut siunnersuutaat misissoqqissaarneqassallutik.
Taamaaliortoqareerpat ataatsimiititaliaq isumaliutersuummik saqqummersitsissaaq, inatsisartut ukiaru ataatsimiinnissaanni pissalluni.
Aningaasanut inatsisissamut siunnersuut aningaasaqarnermut nalakkersuisumit Aleqa Hammondimit ualeru saqqummiunneqassaaq.
Qaanaami Pituffimmilu qinikkat, atorfillit suliffeqarfiutillillu aamma oqaloqatigineqassapput, pissutsit Avanersuarmi atuuttut paasiniarneqassallutik.
Aningaasaqarnermut ataatsimiititaliaq aggustip 15-iani Nuummukaqqissaaq, aallannginnermilu Siorapaluk, Moriusaq aamma Savissivik tikinneqarnissaat aamma pilersaarutaalluni.
