Inatsisartut aalajangiissapput

Ilassinninnermut aningaasartuutaasarsimasut eqqunngitsuliorfiusimassappata, politiinut suliassanngortinneqartariaqartoq, Inatsisartuni kukkunersiuinermut ataatsimiisitaliami siulittaasoq, Isak Davidsen oqarpoq.

- Deloittekkut misissuitinneqarnerat naammassimmat advokatinillu misissuititsineq ingerlateqqinneqarmat, taakkua misissuinerat utaqqeqqaassavara, inatsisinilli unioqqutitsisoqarsimassappat tapersersorpara politiinik misissuititsisoqarnissaa. Inatsisartut sulisussaatitaapput inatsisit iluanni, taavalu inatsinik unioqqutitsisoqarsimappat, minnerunngitsumik inuiaqatigiit aningaasaataannik, aammami taanna ersersinneqartareerpoq, Deloitte-kut misissuineranni, Isaq Davidsen oqarpoq nangillunilu: - Inatsisinik unioqqutitsisoqarsimappat, taava uanga peqataaffigerusuppara inatsisartut politiinut suliassanngortitsinissaanut. Taamaaliunngikkutta ajortulioqataalissaagut, inatsisartuni kukkunersuinermik ataatsimiisitaliami siulittaasoq Isak Davidsen naggasiivoq.

Politiit immikkut misissuinissaat pisariaqarnersoq, politiit paasinialeruttorpaat. Politiit paasiniaanerminnut atatillugu paasissutissanik piniarlutik ippassaq Namminersornerullutik oqartussanut saaffiginnissimapput.

Politiinik misissuititsisinnaaneq inatsisartut kisimik aalajangersinnaagaat, Inatsiartuni siulittaasoq Jonathan Motzfeldt oqarpoq.

- Politimesteri avatangiisimini pisut misissussallugit kiffanngissuseqarpoq. Kisianni Naalakkersuisut akisussaaffimminnut inatsisaat 1993-imeersoq tunngavigalugu suliassanik ingerlaqqittoqassappat, maannakkut naalakkersuisunut pineqartunut, aatsaat taanna inatsisartut akuersippata politiinut suliassanngortitsisoqarsinnaavoq, inatsisartuni siulittaasoq Jonathan Motzfeldt naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat