Inatsisartunut ukioq manna taasiartortut amerlanerulaarput
Nunatsinni illoqarfinni tamani nalunaaqutaq aqqanermut taasiartortut procentii radioaviisimit paasiniarpavut, taakkunai taasiartortut procentii maannamut 16,43 procentiuvoq. Tassalu 2009-mi qinersinermut sanilliullugu, nalunaaqutaq aqqanermut taasisut amerlanerulaarlutik.
Qaanaami qinersisartut maannamut taasiartornersaapput, tassa innuttaasa sisamaraterutaat maannamut taasiartoreersimammata. Aasianni taasisinnaasut maannamut taamaallaat 8,1 procentii taasereersimapput.
Nuummi taasisinnaasut 11,7 procentii nalunaqautaq aqqanermut taasiartoreersimapput, 2009-mut sanilliullugu 2,3 procentimik amerlanerullutik. Nuummi taasinermi aqutsisuusoq, Karno Lynge oqarpoq, taama amerlatigisut taasiartoreernerannut pissutaagunartoq tassaasoq, taasivik kulturikkut illorsuarmi, Katuami maanna ingerlanneqarmat.
Inatsisartunut kingullermi qinersisoqarmat, Nuna tamakkerlugu taasisinnaasut 71,3 procentii taasipput.
