Inatsisartunut siunnersuutit 125-t

marsip 14-at 2005 10:37

Inatsisartut upernaakkut ataatsimiinissaani, oqaluuserisassatut siunnersuutit 125-it missaat oqaluuserisassanngortinneqarsimapput.

Ullualuit qaangiupput inuusuttut inatsisartui ataatsimiimmatal Partiiniit oqaatigineqarpoq inuusuttut inatsiartuisa oqaluuserisaat soqutigalugit malinnaaffigineqarsimasut.

Partiinilumi arlaqartuni inuusuttut inatsisartuisa ataatsimiineranni oqaluuserineqartut isumassarsiorfigineqarsimapput.

Inatsisartut allattaanerat Ellen Kolby Chemnitz ilisimatitsivoq inatsisartuni ilaasortat oqaluuserisassanngortitaat 95-it missaaniitut, Naalakkersuisut 20-nik oqaluuserisassanngortitaqarput, oqaluuserisassallu qulingiluat ukiaq ataatsimiinermi angumerineqanngitsut aamma oqaluuserineqassallutik.

Kisitsisilli allannguuteqarsinnaapput, oqaluuserisassat atuaqqissaarneqareerpata inatsisartut allattoqarfiata tamanna aaliangigassarissallugu.

Inatsisartut ataatsimiinissaat qaamat ataaseq qaangiuppat apriilip 15-ianni aallartittussaavoq, maajillu 10-ata tungaanut ingerlanneqassalluni.