Inatsisartunut qinersinissaq Itisiliinermi unnugu sammineqassaaq
Inatsisartunut juunip ulluisa aappaanni qinersinissaq Itisiliinermi unnugu sammineqassaaq, naliliisartullu marluk pulaartorineqassapput.
Allattoq Mads Lynge
maajip 12-at 2009 17:46
Inatsisartunut ilaasortanngortussat 31-t juunip ulluisa aappaanni qinerneqartussaapput, qinersisinnaasullu 40.000-it missaanniissapput.
Inatsisartut qinersereernerup kingorna inissippata aalajangigassaat pingaarutillit arlaqarput, Nunattalu juunip 21-ani Namminersulernissaa aamma eqqarsaatigisassaalluni.
Itisiliinermi tamakku ilaatigut sammineqassapput.
Itisiliineq KNR-ikkut unnugu nalunaaqutaq arfineq-pingasunut tanneq aqqanermut aallakaatinneqassaaq, qulingiluanullu qiteqquppat danskisut aallakaatinneqassalluni.
Qinersinermi naliliisartut Daniel Thorleifsen aamma Jakob Janussen aallakaatitsivimmi pulaartorineqassapput.
