Politikerit Danmarkimit, Savalimmiunit nunatsinneersullu periusissiaq pillugu marsip qaammataani Ilulissani oqaloqatigiittussaagaluarput. Coronavirusertoqarnerali pissutigalugu ataatsimiinnissaq taamaatinneqarluni.Assi: Rene Schwietzke/flickr

Inatsisartunut ilaasortat Issittumut periusissiaq nutaaq oqaluuserisinnaasariaqarpaat

Nunanut allanut tunngasunut naalakkersuisup, Ane Lone Baggerip, corona ajornartorsiortitsigaluartoq nunatsinni Issittumut periusissiamut ataatsimoorussamik tapersiisoqarnissaa qulakkeerusuppaa.

Inatsisartunut ilaasortat peqataasoralugit isumasioqatigiinnissaq maannakkut sulissutigineqarpoq.

Naalakkersuisut tusagassiuutinut nalunaaruteqarlutik taama allapput.

Issittumut periusissiaq maannakkut atuuttoq ukiup naalernerani atorunnaassaaq.

Issittoq pillugu periusissiap nutarterneqarnerata suliarineqarnera aallartinneqareerpoq, internetikkullu aasalernerani ataatsimiinnissaq Inatsisartunit kiisalu Danmarkimi Savalimmiunilu folketingimit lagtingimiillu peqataaffigineqartussaq pilersaarutigineqarpoq.

Taannalu Naalakkersuisuinit, Savalimmiuni Namminersorlutik Oqartussanit akuerisassanngorlugu sulissutigineqarpoq.

AAMMA ATUARUK Bagger: Nunarput Issittoq pillugu Periusissami ersarinnerussaaq

COVID 19-ip ajornartorsiortitsinera pissutigalugu periusissiassap naammassineqarnissaa kingusinnerusukkut tamanna pisinnaavoq.

Politikerit Danmarkimit, Savalimmiunit nunatsinneersullu periusissiaq pillugu marsip qaammataani Ilulissani oqaloqatigiittussaagaluarput.

Coronavirusertoqarnerali pissutigalugu ataatsimiinnissaq taamaatinneqarluni.

Kalaallit Nunaanni najuulluni ataatsimeersuarnissaq aalajangiusimaneqarpoq.

Pissutsit ajunngippata ukiamut ataatsimeersuarnissaq periarfissaasoq, Naalakkersuisut tusagassiuutinut nalunaaaruteqarlutik taama allapput.

Isummersuutit