Inatsisartunut ilaasortanngortut ukuupput

Inatsisartunut ilaasortanngortut 31-it makkuupput:

Atassummi qinigaanerpaavoq siulittaasoq Finn Karlsen, taanna 1.133-init taaguunneqarpoq, Top 10-imi nr. 4-inngortoq.

Atassummi ilaasortanngoqqipput Ellen Christoffersen aamma Augusta Salling, nutaatut qinigaallutik Sivert K. Heilmann, Thomas Kristensen og Godmand Rasmussen.

Demokraatini tupaallaatissaanngitsutut Per Berthelsen amerlanerpaanit qinerneqarpoq, taanna 2.877-init taaguunneqarpoq, tassa Top 10-imi ajugaasuulluni.

Demokraatini Inatsisartunut qinigaaqqipput

Palle Christiansen, Marie Fleischer aamma Astrid Fleischer Rex, nutaatut qinigaallutik Jens B. Frederiksen, Lene Knüppel og Esmar Bergstrøm.

IA´p siulittaasua Josef Motzfeldt taaguunneqarnerpaalluni 1.629-init qinerneqarsimavoq, top 10-imi nummer tre-nngorluni. IA-mi makku qinigaaqqipput: Asii Chemnitz Narup, Kuupik Kleist, Agathe Fontain, Ane Hansen aamma Johan Lund Olsen, inuusuttoq Juliane Henningsen nutaatut iserluni. Aqqaluk Lynge Henriette Rasmussenilu qinigaaqqinngitsoorput.

Kattusseqatigiit Partiiani siulittaasup, Anthon Frederiksenip Inatsisartuni inini tigummiinnarpaa, Anthon Frederiksen 535-init taaguunneqarpoq.

Siumumi taaguunneqarnerpaavoq partiip siulittaasua, Naalakkersuisut siulittaasorigallagaat, Hans Enoksen, 2.224-init taaguunneqarsimasoq, Hans Enoksen Top 10-imi normu 2-nngorpoq.

Siumup partiiani qinigaaqqipput: Doris Jakobsen, Jonathan Motzfeldt, Jørgen Wæver Johansen aamma Ruth Heilmann, nutaatut qinigaapput Lars-Emil Johansen, Aleqa Hammond, Agnethe Davidsen, Kim Kielsen aamma Vittus Mikaelsen.

Inatsisartunut 2002-imi qinersinermut sanilliullugu ippassaq qinersiartortut amerlanerulaarsimapput, 74,9 procentit qinersiartorsimapput, 2002-imi 74,6 procentit qinersiartorsimallutik.

Qinersiartortut katillutik 28.881-iusimapput.