Inatsisartuni ullormut pisussat

Qaasuitsup Kommuniata 2018-imi januaarip aallaqqaataanit atuutilersumik avinneqarnissaanik siunnersuut Inatsisartut ullumikkut ataasinngornermi ataatsimiilerpata aappassaaneerneqassaaq.
Assi © : Nils Baum/Bureau for Inatsisartut
Allattoq Jonas Fievé
novembarip 14-at 2016 06:52

Aamma pingajussaaniigassat arfineq-pingasut oqaluuserineqassapput, ilaatigut aatsitassat pillugit inatsimmut allannguutissatut siunnersuut, aamma qimmit qimuttut perlerornermut akiuussutissalerneqartarnerat assigalugu qimmit nappaataannut inatsisitigut piumasaqaataasumik akiuussutissalerneqartarnissaannik siunnersuut.

Taakku saniatigut aamma aappassaaneerinerit tallimat, apeqquteqaallu aallaavigalugit oqallinnissamik siunnersuut oqaluuserineqassapput.

Inatsisartut ataatsimiinnerat KNR2-kkut nittartakkatsigullu KNR.gl-ikkut nalunaaqutaq qulinit malinnaavigineqarsinnaavoq.