Inatsisartuni ullormut pisussat

Ulluunerani paaqqinnittarfinni sulisut ilinniarsimasut attatiinnarnissaannik qulakkeerinninnissaq siunertaralugu periusissanut iliuuserisaassanullu pilersaarummik saqqummiussinissamik Naalakkersuisut peqquneqarnissaannik Inatsisartut aalajangiiffigisassaannik siunnersuut oqaluuserineqaqqaassaaq.

Siunnersuuteqartoq tassaavoq Inuit Ataqatigiinneersoq Peter Olsen, taassumalu iliuuserisaassanut pilersaarummik saqqummiussinissamik siunnersuutaa alla tulliullugu oqaluuserineqassaaq. Pilersaarut taanna isumaginninnikkut suliaqartunik atorfinitsitsisarnemut annaasaqannginnissamullu tunngassuteqarpoq.

Siunnersuutit oqaluuserineqartussat pingajuat kingullersaallu Atassummeersup Steen Lyngep siunnersuutigaa. Taassuma Inatsisartut aalajangiiffigisassaattut siunnersuutigaa, Naalakkersuisut peqquneqassasut danskit oqartussaqarfiinut attaveqassasut Aalborgimi Grønlandshavnimit Nunatsinnut umiarsuakkut nassiussassat tamarmik hashitaqannginnersut akitsuuserisunit misissorneqartarnissaat qulakkeerumallugu aalajangersimasumik Grønlandshavnimi akitsuuserisoqartitsilersinnaanerup siunnerfigineqarnissaa.