Assi: Nils Baum/Bureau for Inatsisartut

Inatsisartuni ullormut pisussat

Inatsisartut ullumi ataatsimiilerpata ullormut oqaluuserisassani immikkoortut arfiniliussapput.

Ilaatigut Simumumeersup Jess Svanep Nunatsinni aalisakkat qaleruallillu tunisassiassatut tamakkiisumik tunisassiarineqartarnissaat anguniarlugu Naalakkersuisut nassuiaammik saqqummiusseqqullugit peqquneqarnissaannik
aalajangiiffigisassatut siunnersuutaa oqaluuserineqassaaq.

Aamma ilaqutariinnermut, naligiissitaanermut, isumaginninnermut inatsisinillu atuutsitsinermut naalakkersuisup Martha Lund Olsenip siunnersuutaa assortuussutaasoq, tassalu Isumaginninnermi malittarisassanik kommunit aqutsinerannik Naalakkersuisut atorunnaarsitsisinnaalernissaat oqaluuserineqassaaq.

Taamatut siunnersuuteqartoqarneranut tunuliaqutaasoq tassaavoq Ilaqutariinnermut naalakkersuisoqarfiup kommunit ingerlatsinerannik nakkutilliinermini paasisimammagu, meeqqat inuusuttullu ikiortariallit pillugit nalunaarutiginninnerit aammalu ikiorsiinerit pillugit suliani pingaarnersiusarnermi suliarinnittarnermilu annertuumik amigaateqartoqartoq.

Ikiaroornartoq hashi aamma oqaluuserineqassaaq. Meeqqat inuusuttullu akornanni hashimik imigassamillu atornerluinerup pinaveersaartinneqarnera pillugu apeqquteqaat aallaavigalugu oqallittoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat