Inatsisartuni ullormut pisussat
Akiitsutit qaffappata, aalisakkat kilomut 55 øre-qalissapput.
Siunnersuutip siullermeerneqarnerani Inuit Ataqatigii aamma Attaviitsoq Naaja Nathanielsen sakkortuumik isornartorsiuteqarput, ilaatigut siunnersuutip tusarniaasutigineqarneranut ullut aqqanillit taamaallaat perarfissaanerat pillugu.
Naalakkersuisut siunnersuutigineqartoq aalajangiusimavaat innersuussutigalugulu Aningaasaqarnermut Akileraartarnermullu Ataatsimiititaliap aalisakkat akitsuuteqalernissaat tapersersormassuk.
Inatsisartut ullumi ataatsimiinneranni aalisarneq aalisakkallu pillugit allamik aamma oqaluuserisassaqarput, tassalu Siumut sinnerlugu inatsisartunut ilaasortap Svanep kaammattuutigaa, aalisakkat qaleruallillu tunisassiassatut qaqinneqartartut igitaqarani tamakkiisumik tunisassiarineqaratarnissaannik siunnersuutaa.
Siunnersuut Naalakkersuisunit tapersersorneqarpoq.
Inatsisartut ullumi ataatsimiinerani Kalistat Lundip IA-meersup siunnersuutaa aamma oqaluuserineqassaaq,
Telepost A/S-imi piginnittuunermut periusissiamik ersarissumik Naalakkersuisut aasartinnagu suliaqarnissaannik Inatsisartunut aalajangiiffigisassatut siunnersuut oqaluuserineqassaaq.
IA-mit ernumassutigineqarpoq telep namminersortunngorsaanissamik taakkunatigullu nutaanik aningaasaliisoqarnissaanut pisariaqartitsinermut tunngasunik akerleriissinnaanerannik naalakkersuisut nalunaaruteqartarnerat.
Naalakkersuisut isumaqarput periarfissiissutigineqartoq sivikippallaartoq taamaattumillu siunnersuut tapersersornagu
erseqqissaatigineqarporlu naalakkersuinermut tunngatillugu siunnersuuteqartup Naalakkersuisullu isumaasa akornanni annertuunik akerleriittoqanngimmat
