Inatsisartuni ullormut pisussat
Taakku tamarmik ilaqutariinnermut, naligiissitaanermut isumaginninnermullu naalakkersuisumit siunnersuutaapput pilersaarutillu malillugit ullumikkut akuersissutigineqartussaassallutik.
Aammattaaq siunnersuutit allat arfinillit oqaluuserineqassapput, ilaatigut Jens Immanuelsenip lottornermi bingornermilu eqqugassanit akileraarutinik akiliuteqartarunnaarnissamik siunnersuutaa aammalu pinartumik napparsimasoqartillugu ilaqutaasut Københavnimi kalaallit peqqissartut najugaqarfianni ineqartinneqartillugit ineqarnermut aningaasartuutit 2016 aallarnerfigalugu pisortanit akilerneqartalernissaannik siunnersuut oqaluuserineqassapput.
Inatsisartut ataatsimiinnerat nalunaaqutaq ataatsinut aallartissaaq KNR radiokkullu aammalu tv-kkut KNR 2-kkut aallakaatinneqassalluni.