Politikki

Inatsisartuni ullormut pisussat

Inatsisartut ullumi ataatsimiinneranni Naalakkersuisut siulittaasuat Kim Kielsen nalunaaqutaq aqqanermiit ulloqeqqata tungaanut apeqquteqarfigineqarsinnaassaaq, ataatsimiinnerlu nalunaaqutaq ataatsimut nanginneqarpat oqaluuserineqartussatut siunnersuutigineqartut katillutik tallimat pilersaarutit naapertorlugit oqaluuserissavaat.
Foto: Nils Baum, Bureau for Inatsisartut Assi © : Nils Baum, Bureau for Inatsisartut
Allattoq Aaqqissuisoqarfik / Redaktionen
marsip 11-at 2015 10:15

2013-imut Nunatta karsiata naatsorsuutaasa akuersissutigineqarnissaannik siunnersuut siullertut oqaluuserineqassaaq, Aningaasaqarnermut Aatsitassanullu Naalakkersuisoq Andreas Uldum saqqummiussisuussalluni.
 
Taamaalereerpat oqaluuserineqartussatut siunnersuutit pingasut ataqatigiissillugit oqaluuserineqassapput, tassa immikkoortut 74, 75 aamma 76 ataqatigiissillugit oqaluuserineqartussaagamik.
 
Immikkoortut 74, 75 aamma 76 Ineqarnermut, Sanaartornermut Attaveqaqatigiinnermullu Naalakkersuisumit Knud Kristiansenimit saqqummiunneqassapput, Imarsiornerup isumannaatsuunissaa pillugu inatsisit allannguutaat ilaatigut oqaluuserineqassallutik.
 
Raajanut qaleralinnullu pisassiissutit killeqanngitsumik piffissalerlugit pigineqartarnerat pillugu inatsisip allanngortinneqarneratigut ukiunik tallimanik sioqqutsisumik ilimasaaruteqarnikkut killilerneqartalersinnaanerannut aningaasaqarnikkullu kinguneqaatissat ilanngullugit Nikolaj Jeremiassenip Siumumeersup siunnersuutaa, Inatsisartut ullut ataatsimiiffiisa pingajuanni naggasiutigalugu oqaluuserisussaavaat.

Aamma atuaruk

Atassut: Naalakkersuisooqatigiit akileraarutinik oqilisaassinerat qineqqusaarutaavoq

Politiit ullormut nalunaarusiaat: Tillinniartoqarlunilu tillinniariaraluartoqarpoq

Politikki

Tabithe Sværd: Sikkilikka innaallagiatortut atorsinnaannginnakkit uggornarpoq