Inatsisartuni tallimanngornermi pisussat
Pisortani digitalimik allakkerineq pillugu inatsit siulliullugu oqaluuserineqassaaq, 2018-imilu akileraarutitigut ilanngaatissat ilaatigut pillugit inatsisartut aalajangiisarnissaat taava aappaattut oqaluuserineqassaaq. Ilanngaatissat angissusilernissaannik aalajangiisoqartalernissaa matumani anguniagaalluni.
Meeqqanut atuartunut perorsaanikkut inerikkiartuutaasunik sunngiffimmi neqeroorutit pillugit inatsimmut allannguutissatut siunnersuut pingatsiullugu oqaluuserineqassaaq.
Meeqqat atuarfianni inaarutaasumik misilitsinnerit ingerlannissaannut pisinnaatitsissut pillugit malittarisassat eqqartorneqartussanut uani ilaapput.
Inatsisartut sisammiullugu ullumi oqaluuserisassat folkehøjskolinut tunngavoq, inatsimmut allannguutissatut siunnersuut oqaluuserineqassagami.
Inatsisartut naggasiullugu ullumi oqaluuserisassaat tassaavoq imigassamik aalakoornartulinnik nioqquteqarneq sassaallertarnerlu pillugu inatsit.
Imigassanik kimittuunik kimikitsunillu aalakoornartortalinnik nioqquteqartarnerup sivitsorneqarnissaa eqqartorneqassalluni.