Inatsisartuni pingasut sinniisussaat aggersarneqarput

Inatsisartuni sinniisunut ikaarsaassaagut, tassa inatsisartut allaffeqarfianniit nalunaarutigineqarpoq inatsisartut pingasut sulinngiffeqarnissaminnik qinnuteqarsimasut.

Ilaat tassaavoq namminersortuulluni biiliutilik Thomas Kristensen Tasiilameersoq, inatsisartut ukiaanerani ataatsimiinnerani peqataasinnaanngitsoq.

– Namminersortuullunga kisima sulivunga, Tasiilarlu taama sivisutigisumik qimassimasinnaanagu, Thomas Kristensen Sermitsiaq.gl-imut oqarpoq.

Thomas Kristensen Atassummeersoq sinnerlugu aggersarneqarpoq Knud Kristiansen, Upernavimmeersoq.

Siumukkunneersoq Jens-Lars Fleischer, Uummannami borgmesteriusoq, ukiaanerani ataatsimiinneq tamaat peqataaffigissanngilaq, Panbo-mik ukiortinnagu matusariaqakkaminik illuliornini pissutigalugu.

Sinniisussaatut aggersarneqarput Gert Ignatiussen, Tasiilameersoq, sapaatip-akunnerani tullermi inatsisartuni issiasussaq, taannalu aallariarpat Per Rosing-Petersen, Nuummeersoq piffissap sinnerani ataatsimeeqataassaaq.

Siumukkunneersoq alla Agnethe Davidsen Nuummi borgmesteriusoq, nuallunnini pillugu oktobarip ulluisa tallimaata tungaanut sulinngiffeqarnissi qinnutigaa, peqannginneranilu naalakkersuisunut ilaasortaasimasoq Simon Olsen, Sisimiuneersoq aggersarneqarpoq.