Inatsisartuni pingasunngornermi pisussat
Tamatuma saniatigut immikkoortut tallimat oqaluuserineqartussatut pilersaarutigineqarput.
Nunaqarfinni illoqarfinnilu mikinerusuni innuttaasut illuliornissamut aningaasaliiffigineqarnissaminnut periarfissagissaarnerulernissaannut siunnersuut oqaluuserineqassaaq.
Qitiusumik kiassaateqarfinnut kissarsuuteqarfinnullu Namminersorlutik Oqartussanit toqqaannanngitsumik
toqqaannartumilluunniit pigineqartunut tamanut piginnittuunerup, akisussaanerup, ingerlatsinerup aserfallatsaaliinerullu, Nukissiorfinnilu ataatsimut katersorneqarnissaat pillugu
oqaluuserisassaq aamma siullermeerneqassaaq.
Illoqarfinni annerusuni arfineq marluusuni avataaniit kiassarnikkut, innaallagissamillu kiassarnikkut ullumikkuminngarnit suli atorluaanerulernissarput siunertaralugu, Naalakkersuisut suliniuteqaqqullugit peqquneqarnissaannik Inatsisartut aalajangiiffigisassaatut siunnersuut kingullertut oqaluuserineqassaaq.
Illoqarfiit pineqartut tassaapput Ilulissat, Qasigiannguit, Aasiaat, Sisimiut, Maniitsoq, Nuuk aamma
Qaqortoq.
