Inatsisartuni marlunngornermi pisussat

Siullertut meeqqat atuarfianni fagini tamani akunnernut ilinniartitsiviusussanut minnerpaaffiliinissaq anguniarlugu inatsimmut atuuttumut allannguutissatut siunnersuut Inuit Ataqatigiinnit saqqummiunneqassaaq. Inatsisip
allanngortinneqarneranittaaq akullerni atuartuniit tulluttut danskisullu akunnerit ilinniartitsiviusut amerlaqatigiilernissaat qulakkeerniarneqarpoq. Allannguutissarlu aggustimi 2020-mi atuutilissaaq.

Aammattaaq Meeqqat atuarfianni nukarlerni ilitsoqqussaralugu oqaatsit kisiisa atorlugit atuartitsisalernermi pitsaaqutigisinnaasai pitsaanngequtigisinnaasalu pillugit Inuit Ataqatigiinnit siunnersuut oqaluuserineqassaaq.

Tamatumani ilitsoqqussaralugu oqaatsit danskisut kalaallisullu oqaatsit pineqarput, misissuinermilu angusat Inatsisartut 2018-iumi upernaakkut ataatsimiinnissaat sioqqullugu Inatsisartunut saqqummiunneqareersimassapput.

Immikkoortoq kingullermi 1. klassimiit meeqqat atuarfiisa tamarmik pinngitsooratik tuluit oqaasiinik takornartat
oqaasiisut atuartitsisalernissaat qularnaarumallugu allannguutissatut siunnersuut Demokraatinit saqqummiunneqassaaq.

Suliniutip tamatuma kinguneranik kalaallit danskillu oqaasiinik atuartitsineq ajornerulersinneqassanngilaq. Allannguut ukiup atuarfiusup 2018-mi aallartinneraniit atulersinniarneqarpoq.