Politikki

Inatsisartuni ilaasortat nutaat

<p>Naalakkersuisut sapaatip-akunnerata siuliani allanngornerisigut naalakkersuisut nutaanik ilaneqaannanngillat, Inatsisartulli nutaanik aamma ilaneqarput.</p>

Allattoq Karsten Sommer, Anton Gundersen Lihn

novembarip 01-at 2016 11:06

Nutserisoq Mads Lynge

Inuit Ataqatigiinneersut sisamat, Hans Enoksen, Partii Naleqqameersoq, Suka K. Frederiksenilu Siumumeersoq, Inatsisartuneeriarlutik naalakkersuisunngorput.

Inuit Ataqatigiit sinnerlugit ilaasortaalersut tassaapput Hans Aronsen, Bendt B. Kristiansen Villy Olsvigilu. Henrik Fleischerilu Partii Naleraq sinnerlugu Inatsisartuni ilaasortaalerpoq.

Sara Olsvig naalakkersuisuunermi saniatigut Inatsisartuni aamma ilaasortaassaaq.

Naalakkersuisut allanngornerat pissutaalluni Tillie Martinussen Poul Hansenilu Demokraatit sinnerlugit inatsisartuni ilaasortaajunnaarput, soorlu aamma Steen Lynge Siverth K. Heilmannilu Atassut sinnerlugu inatsisartuni ilaasortaajunnaartut. Partiimmi taakku maannamut naalakkersuisuutitaat Inatsisartuni ilaasortanngoqqissagamik.

Nikolaj Jeremiassen Suka K. Frederiksenip naalakkersuisunngorneratigut inatsisartuni aamma ilaasortanngoqqippoq.

Inatsisartuni ilaasortat nutaat

Aamma atuaruk