VIDEO Inatsisartuni ilaasortat misissugassinik quisitsineq isornartorsiorpaat

Naalakkersuisuni ilaasortat qulingiluat quuminnit hashimik misissorneqartussanik marlunngormat tunniussimmata, arlaqartut qungujulaarput.

Misissuinerli ilungersunartuuvoq. Kim Kielsenillu Siumumeersup aalajangersimasumik oqaatigaa, naalakkersuisooqatigiinnermi hashimut nultoleranceqartoq, taamaammallu misissuinerni hashitorsimasunik paasisaqarnermi Naalakkersuisuniit peersitsinermik isumaqassasoq.

Inatsisartunullu ilaasortat ilaasa Hans Enoksen Partii Naleqqameersup, Agathe Fontain Inuit Ataqatigiinneersup taassumalu parteeqatigisimasaata attaviitsup Naaja Nathanielsenip misissuineq piffissaajaataanerarpaat.

Aamma atuaruk VIDEO Doris Jakobsenip hashi pillugu oqaatigisaasa ilaat tunngavissaqanngitsut

- Imatut paasisariaqarpoq, taamaallaat nuannareqqusaarneq tunngavigalugu uani sulisoqartoq, Hans Enoksen KNR-imut oqarpoq.

- Isumaqarpunga, quisitsinikkut ajornartorsiut qaangernavianngikkipput, Agathe Fontain oqarpoq. 

- Kukkusumik takutitsiniaaneruvoq, aamma politikkikkut asuli pinertut isigaara, Naaja Nathanielsen oqarpoq.

Aamma atuaruk Doris: Hashimik inerteqqutaajunnaarsitsinerup pinerlunniartartut amerlisissavai

Inatsisartunili siulersuisooqatigiinni ilaasortat hashimik misissorneqassanerlutik namminneq aalajangissagaat, Kim Kielsenip oqaatigaa. Naaja Nathanielsenillu quisinneqarnissaq aamma akuerinngilluinnarpaa.

- Qoorsiuinermut puumut quinavianngilanga, taassumami politikerisut pitsaanerulertinnavianngilaanga, attaviitsoq aajangersimasumik oqarpoq.

Agathe Fontainilu isumaqarpoq, hashitortuunnginnami quuminik tunniussissaguni eqqumiitsoq.

- Inuit quisinneratigut ajornartorsiut qaangernaviannginnatsigu, uanga isumaqarpunga tassani akissaajaataallunilu piffissaajaataasariaqanngitsoq, Agathe Fontain oqarpoq.

Aamma atuaruk VIDEO Naalakkersuisut maligassiuerusupput

Aamma atuaruk ASSIT Naalakkersuisut hashitorsimanersut paasiniarlugu qoorsiortilersut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat