'Inatsisartuni ilaasortat isumasiorneqanngillat'

Issittumi Sakkutooqarfissap Nuummut inissinneqarnissaa aalajangerneqareersorlu oqallinneq ingerlaqqippoq. Aalajangiinermut tunngavigilersuutit aamma Naalakkersuisut siulittaasuat aalajangiinermut pisinnaatitaqarnersoq Finn Karlsenimit (S) apeqquserneqarpoq.
Aalisarnermut naalakkersuisoq, Finn Karlsen. Assi © : Inatsisartut
Allattoq Jaaku Lyberth
aggustip 31-at 2011 07:07

Inatsisartuni ilaasortat isumasiorneqanngillat, aamma Naalakkersuisut aalajangernerannut ilisimatinneqaratik, Finn Karlsen allappoq.

Issittumi sakkutooqarfik Nuummut inissinneqarpat, Nuummi innuttaasunut kingunerisassai Finn Karlsenip erseqqissarpai, tassalu inissaqarniarneq, napparsimaveqarneq, meeqqeriveqarneq, umiarsuliveqarneq aamma timmisartukkut angallanneq.

Narsarsuaq sakkutooqarfittut atorneqartussanngorlugu pilersinneqarpoq, siunertarisimasaanullu atorneqalernissaa tulluartuusoq Finn Karlsen isumaqarpoq.

Aningaasanut inatsisissatut Naalakkersuisut siunnersuutaat Finn Karlsenip innersuussutigaa. Narsarsuarmi mittarfiup aserfallatsaalineqarnissaanut aningaasanut inatsissami immikkoortitsisoqarsimanera innersuussutigaa, siunisssamilu Narsarsuarmi mittarfiup atorneqarnissaa Naalakkersuisunit kissaatigineqannginnera oqaatigalugu. 

Assartuineq pillugu ataatsimiititaliarsuup innersuussutaa, tassalu timmisartunut mittarfimmik  Qaqortumi sananeqarnissaanik  innersuussutip malinneqannginnera Finn Karlsenip allakkamini aamma erseqqissaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq