Assi: Else Olsvig/KNR

Inatsisartuni ilaasortap unnerluutigineqarsinnaannginnerata atuukkunnaarsinneqarnissaa aalajangerneqartoq

Radioaviisimit paasivarput Inatsisartuni ilaasortap kinaassagaluarnersup unnerluutigineqarsinnaannginnerata atuukkunnaarsinneqarnera pillugu Inatsisartut ullumi matoqqasumik ataatsimiillutik aalajangertariaqarsimasut.

Nunatsinni oqaluttarfiit pingaarnersaanni suliat politikkimut tunngassuteqartut kisimik oqaluuserineqarneq ajorput.
 
Radioaviisimit paasivarput Inatsisartuni ilaasortap kinaassagaluarnersup unnerluutigineqarsinnaannginnerata atuukkunnaarsinneqarnera pillugu Inatsisartut ullumi matoqqasumik ataatsimiillutik aalajangertariaqarsimasut.

Radioaviisip aallartilivinnissaata tungaanut paasiniaraluarparput kina pineqarnersoq aammalu sooq unnerluutigineqarsinnaannginnera atuukkunnaarsinneqassasoq suliarineqartariaqarsimanersoq.

Inatsisartuni ilaasortat unnerluutigineqarsinnaannginnermik illersugaapput, taamaattorli innuttaasutulli allatut politiinit misissuiffigineqarsinnaapput unnerluutigineqarsinnaallutillu.

Inatsisartunulli ilaasortaq iliuuseqaleruttorluni pakasarneqarsimanngikkuni Inatsisartut aatsaat akuersissuteqarnerisigut unnerluutigineqarluniluunniit kiffaanngissusiiagaasinnaavoq.
 
Piffissami kingullermi Inatsisartunut ilaasortaasimasoq Siumumeersumut Aslak Jensenimut tunngasumik suliaqartoqarnikuuvoq, taannali Inatsisartut ukiaanerani ataatsimiinnissaat sioqqullugu tunuareernikuuvoq.

Aslak Jensen oqartussani sulisunut toqumik sioorasaarisimasutut eqqartuussiveqarfimmit pinerloqqissaguni ulluni 20-ni pineqaatissinneqarsimasunut inissiisarfimmiittusanngortinneqarnikuuvoq. Suliaq Nunatta eqqartuussisuuneqarfianut suliareqqitassanngortinneqarnikuuvoq, taannalu septembarimi suliarineqartussaagaluarluni novembarip ulluisa aappaannut kinguartinneqarnikuuvoq.

Tusarfinnit tutsuiginartunik Radioaviisi paasitinneqarpoq suliaq matumani pineqartoq Aslak Jensenimut tunngassuteqanngitsoq, inummulli allamut tunngassuteqartoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl