Inatsisartuni ilaasortaasimasoq pinngitsuutitaasoq
Enos Lyberth, Inatsisartuni ilaasortaasimasoq kiisalu Utoqqaat Kattuffanni – Kattuffik Utoqqaat Nipaat-ni – siulittaasuusimasoq Nunatta Eqqartuussiviani peqquserluuteqarsimaneragaanerminik ullumi pinngitsuutitaavoq.
Allattoq Louise M. Kleemann
apriilip 02-at 2008 13:30
Enos Lyberthip aalajangiisoqarnissa ukiuni pingasuni sisamani utaqqivaa. – Nuannaaqaanga oqiliallaqalungalu, taama oqarpoq Enos Lyberth Nunatta Eqqartuussiviani pinngitsuutinneqarluni paasigamiuk.
Utoqqaat Kattuffiata siulittaasuusimasoq 2002-mi 178.000 koruuninik peqquserluuteqarsimanerarlugu eqqartuussivimmut suliassanngortippaa aningaasat utertinneqassasut piumasaralugu.
Oqiliallassimaqisoq Enos Lyberth radioavisimut oqarpoq Utoqqaat kattuffiat imminut kusanaatsuliornera pillugu taarsiisinniassanerlugu massakkut suli eqqarsaatigigini.
