Inatsisartuni ataatsimiititaliat inuttalersorneqarput

Inatsisartuni inatsisitigut pisussaaffigalugit ataatsimititaliat ullumi inissititerput.
Allattoq Mads Lynge
juunip 13-at 2009 18:46

Inuit Ataqatigiillu sinnerlugit inatsisartunut ilaasortaq Akitsinnguaq Olsen Aningaasaqarnermut Ataatsimiititaliami siulittaasunngorpoq, Niels Thomsenilu Demokraatit sinnerlugit ataatsimiititaliami ilaasortanngorpoq, siulittaasup tulliatut inissilluni.

Knud Kristiansen, Atassummeersoq, Kukkunersiuinermut Ataatsimiititaliami siulittaasunngorpoq.

Hans Aronsen, Inuit Ataqatigiinneersoq, Nunanut Allanut Sillimaniarnermullu Ataatsimiitaliami siulittaasunngorpoq, Justus Hansenilu, Demokraatineersoq, Inatsisit Atortinneqarnerannut Ataatsimiititaliami siulittaasunngorluni.

Inatsisartut inissititerlutik ataatsimiinnerat marlunngorpat ullaap tungaani nalunaaqutaq qulinut nanginneqassaaq, ataatsimiititaliat ataavartut tassani aamma pilersinneqassallutik.