Assi: Camilla Dam/KNR

Inatsimmik tunngaviusumik suliaqarnissaq Demokraatit isumaqatiginngilaat

Nunatta tunngaviusumik inatsiseqalernissaanik kissaateqarneq Naalakkersuisoqatigiit isumaqatigiinngissutigerpasippaat.

Siumup partiillu illuatungiliuttut allat marluk ataatsimiititaliamik pilersitsisoqarnissaa kissaatigaat - Naalakkersuisoqataasulli Atassummeersut nangaasut Demokraatit akerliulluinnarput.

- Tamanna isumassarsiatsialaanngilaq, Demokraatit politikkikkut oqaaseqartartuat, Randi Vestergaard Evaldsen tusagassiorfinnut nalunaarummini erseqqissaavoq; Namminersulernissarlu pillugu Inatsisartuni oqallinnermi oqaaseqaammini sapaatip-akunnerata siuliani eqqaanarsinnaasumik taama allalluni.

Randi Vestergaard Evaldsenip Danmarkimit oqartussaaffiit 32-t suli amigaatigineqartut tikkuartorpai. Ilanngullugulu Kalaallit Nunaata aningaasarsiornera 5 milliardit koruunit missaat tikillugit pitsanngoriartinneqaqqaartariaqartoq tikkuartorlugu.

AAMMA ATUARUK Tunngaviusumik inatsisitaarnissaq oqallisaaqqilertoq

- Tamakku pitinnagit naalagaaffittut namminersulernissaq piviusorsiornerunngilaq, taamaammallu ataatsimiititaliornissaq piffissaajaataallunilu aningaasaajaataanginnassaaq, Demokraatit politikkikkut oqaaseqartartuat erseqqissaavoq.

Siumut Partii Nalerarlu naapertorlugit ataatsimiititaliornissaq 10-20 millionit koruuninikk akeqassangatinneqarpoq.

Demokraatiniilli tunngaviusumik inatsisiliortussamik ataatsimiititaliortoqarnissaa akerlerinaqaraluartoq, Inatsisartut Inatsisinut ataatsimiititaliaannut ingerlateqqinneqassasoq akuersissutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat