Inatsimmi nutaami innarluuteqartut periarfissaqarnerulissapput

Kalaallit Nunaanni meeqqat innarluuteqartut meeqqat allat assigalugit ilinniarnissaminnut neqeroorfigineqassapput, FN oqarpoq. Naalakkersuisut innarluutillit pillugit inatsisissatut siunnersuuutaanni aappaagu saqqummiunneqartussami tamanna pingaarutilittut inissisimassaaq.

Nunatsinni innarluutilit ikiorneqarnissaminnut tusaaneqarnissamminillu pissusaaffeqarnertik pillugu ikiorneqalerunarput.

Tamanna pissaaq innarluutillit pillugit inatsimmik nutaamik inatsisartut 2017-mi upernaakkut ataatsimiinneranni Naalakkersuisut saqqummiussippata.  


Taama nalunaaruteqarpoq Ilaqutariinnermut Isumaginninnermullu Naalakkersuisoq Martha Lund Olssen
 
Meeqqat inuusuttullu innarluuteqartut ilinniagaqalernissaminnut periarfissaat annertunerulissaaq.

Tamaaliortoqassaaq ilaatigut Naalagaafiit Peqatigiit Kalaallit Nunaat isornartorsiormagu, innarluuteqartut pillugit politikikkut iliuusissanik pilersaarusiorsimanngimmat  aamma innarluutilinnut immikkut ilinniarsimasunik ilinniartitsisunik naammattunik peqanngimmat.  
 
Kalaallit Nunaat Naalagaaffiit Peqatigiinnit isornartorsiorneqarpoq   meeqqat innarluuteqartut meeqqat allat assigalugit ilinniarnissaannut periarfissiisimanngimmat, Martha Lund Olsen oqarpoq.

Innarluuteqartut ilinniagaqalernissaannut periarfissiisoqarsimannginngera Naalagaaffiit Peqatigiinnit isornartorsiutigineqarpoq, Martha Lund Olsen oqarpoq.

Pitsanngoriaateqarnissamut periarfissaqarpoq. Nalunaarusiami 2013-mi suliarineqartumi atuarneqarsinnaavooq, annertuumik innarluuteqartut 80 procentii ilinniagaqarsimanngitsut meeqqat atuarfianni atuareernermi kingorna.

Innarluuteqartut  illersuisuannik pilersitsisoqassaaaq.

- Innarluuteqartut inuiaqatigiinnut akuliunnerunissaannut iliuusissanik pisortanit  naammattumik pilersaarusiortoqarsimanngilaq  Martha Lund Olsen oqarpoq.

Oqariartuutigineqartummi pingaarnersaraat innarluuteqartut assigiimmik pineqassammata, Ilaqutariinnermut Isumaginninnermullu Naalakkersuisoq Martha Lund Olsen oqarpoq.

Neqeroorutigineqartut amigartut

Innarluuteqartut pillugit nalunaarusiami maanna tusarniaassutigineqartumi naalakkersuisut erseqqissaatigaat,    peqqinnissaqarfimmi suliffeqarfinnilu innarluuteqartunut neqeroorutigineqarsinnaasut pitsaanerusariaqartut.

Kommunit uani aamma pineqarput. Innarluutillit najugaqatigiiffii amigaatigineqarput aamma innarluutilinnut tapersersortit ilinniartinneqarnissaannut  periarfissat amigaatigineqarput, innarluuteqartut Danmarkiliartinneqartarnerat ikilisinneqassappata.     

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat