Immiussinerit aallartiinnaqaat
Isiginnaagassiami nangeqattaartussami immikkoortut ilaat Kalaallit Nunaanni pisuusaartinneqassaaq, naalakkersuisullu siulittaasuattut filmiliaritittussaq Angunnguaq Larsen ilanilu filmiliaritissallutik.
Angunnguaq Larsen siornatigut filmiliaritereerpoq, "Nuummioq"-mi inuttaagami. Taanna aamma nipilersoqatigiinni Chilly Fridayikkunni ataasiakkaarisuuvoq.
Filmiliortut ullumi Nuummiipput, immiussinerit siulliit aallartissagamikkit. Sumiiffinni arlalinni filmiliortoqassaaq, immikkoortumili sunarpiaq samminiarneqarnersoq oqaatigineqanngilaq.
Ilitsersuisup sanitatigut assiliisoqarlunilu nipilerisoqarpoq, soorlu aamma pinnersaasartoq ilaasoq.
Angunnguaq Larsen isiginnaartitsisartorlu Danmarkimeersoq ullumi sapaatillu-akunnerata naanerani filmiliaritissapput, filmiliariteqataasussallu Nunatsinneersut allat aamma peqataassapput.
Filmiliortut pilersaarutit malillugit Danmarkimut ataasinngorpat utissapput. Isiginnaagassiaq nangeqattaartoq DR-ikkut ukiaru aallakaatinneqaqattaartussaavoq.
