Immiorfissamik Narsami pilersaarut piviusunngorpoq

Narsami immiorfissamik pilersaarut piviusunngorpoq,

Greenland Venture A/S, Sulisa A/S –usimasoq, Namminersornerullutik Oqartussat ataani inissisimasoq aningaasaliimmat, kisiannili suliaq suli naammassinani ingerlavoq.Suliap ingerlanerani kammalaatigisamik iluanaarutissiisoqarsimanersoq Narsap Kommuniani Kommunaldirektøri misissuisinneqalermat.

Immiorfissap Polar Beer aps -ip piginnittugiligaata kommunimi inussutissarsiornermut siunnersortip pisortaa kammalaatigaa, taanna immiorfissamik ernusissiortuusimavoq. Pilersaarut ingerlalerneraniili inuussutissarsiornermut siunnersortip pisortaa immiorfimmik piginneqataajumalluni pilersaaruteqarsimagaluarpoq, isumassarsiarli tamanna kommunimit unitsinneqarsimavoq.

Kommunimut qinersinissaq sioqqullugu, tassa apriilip aqqarnata siorna, kommunip inuussutissarsiornermut ataatsimiititaliaata piumasaraa, inuussutissarsiornermut siunnersortip pisortaa Steen Outzen, innuttaasunut tamanut immiorfissaq immikkut allagarsiinikkut ussassaarutigissagaa, taamaaliorsimanngilarli.

-Inussutissarsiutaasinnaasut nutaat tamarmik allattorsimaffii, katalogi, siorna septemberimi Narsap illoqarfiani allagartaliinikkut ilisimatitsissutigineqarpoq, kisianni ilumoorpoq immiorfissaq immikkut usassaarutigineqanngimmat, inuussutissarsiornermut siunnersortip pisortaa Steen Outzen oqarpoq.

December qiteqquttoq inuussutissarsiornermut siunnersortip pisortaata kammalaataanut, kikkut tamaasa arajutsisillugit pilersaarut tunniunneqarpoq.

-Pineqartoq matoqqasumik kommunip inuussutissarsiornermut ataatsimiititaliaani nutaami oqaluuserineqaqqammerpoq. Tassani oqaluuserineqarpoq, inuussitissarsiornermut siunnersortit pisortaata ataatsimiititaliap kissaataa sooq timitalersimannginneraa, qinersinerup siorna ataatsimiititaliami siulittaasuusimasoq Steen Ole Jensen oqarpoq.

-Ataatsimiititaliami kissaatigigaluarparput, innuttaasut amerlanerit soqutiginninnerminnik saaffiginninnissaat periarfissiuunneqassasoq imaluunniit piginneqataajumallutik soqutiginnikkunik saaffiginissinnaasut, Steen Ole Jensen, Siumumeersoq oqarpoq.

Inussutissarsiornermut Atatsimiititaliap siulittaasuata nutaap Bent Olesen-ip, Atassummeersup nutaajuallaarnini pissutigalugu pineqartoq oqaaseqarfigiumanngilaa.

Polar Beer Aps-ip piginnittuata saniatigut Greenland Venture A/S-ip, kisimiilluni piginneqataalersup, ingerlatsinermut aningaasartuutit 4 mio koruunit missaannik missingersuusiorneqarsimasut aningaasaliiffigissavai.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat