Imminut toquttarnermik pinaveersaartitsiniarnermi suleriaaseq nutaaq

Peqqissutsimut Naalakkersuisoqarfik, ASIST atorlugu misiligutaasumik Nuummi oktobarip ulluisa aqqarnanniit 13-iata tungaanut pikkorissaatitsiniarpoq.

Suleriaaseq ASIST, Applied Suicide Intervention Skills Training, tassaavoq pikkorissaanermi missingiutitut atorneqartoq, Canadami LivingWorksimit ineriartortinneqarsimasoq. Imminut toquttarnerup pinaveersaartinniarnerani nunarsuarmi ilinniakkat siuarsimanerpaat ilaattut ASIST nalilerneqartarpoq:

- Imminut toquttarneq pillugu akuliunnissatsinnut tamavitta periarfissaqarpugut. Inummik ajornartorsiuteqartumik naapitsinitsinni isaassinissatsinnut aperisinnaanissatsinnilllu sapiissuseqartariaqarnerput matumani pineqarpoq.

Neriuppunga neqeroorummut tassunga amerlasuut ilassinnilluarumaartut, Peqqissutsimut Naalakkersuisoq Doris Jakobsen ilaatigut oqarpoq.

Imminut toquttuqartinnagu ikiuunnissamut sakkussat sunniuteqarluarsinnaasut ASIST atorlugu pikkorissarnermi pissarsiarineqassapput, pikkorissaanerlu imminut toquttarnerup pinaveersaartinniarnera eqqarsaatigalugu najukkami attaveqaatinik pilersitsinissamut iluaqutaassalluni.

ASIST, 16-inik ukioqalereersimasunut tamanut tunuliaqutaqarlutillu misilittagaqartunut imminuy toqunnissamik sioorasaarisunut ikiueqqaarnissamut piumassuseqartunut tamanut tamanut naleqquttoq, Peqqissutsimut Naalakkersuisoqarfik tusagassiuutinut nalunaarummi ilaatigut taama allaaserisaqarpoq.