Tarnip pissusianik ilisimasalik: Imminut toqunneq oqallisigineqarlik

Nunatsinni imminut toquttut ikilisarniarutsigit, ajornartorsiutigut oqallisiginerusariaqarpagut, imminullu toqunnissap periarfissaannginnera eqqartornerusariaqarlugu. Tarnip pissusianik ilisimasalik, Heidi Lindholm taama oqarpoq.
Assi © : Mads Reimer
novembarip 01-at 2018 12:46

- Imminut toqunneq oqaluuserisariaqarparput, imminullu toqunnissaq periarfissaanngitsoq, uaugut angajoqqaatut meeqqatsinnut paasitittariaqarparput.

AAMMA ATUARUK Imminut toquttarneq akiorniarlugu illoqarfinni 12-ini ingerlaaqatigiittoqartoq

Imminut toqunnerup oqaluuserinisssaa pingaartuusoq, Tarnip pissusianik ilisimasalik Heidi Lindholm isumaqarpoq, tassami taamatut toqusut kisiisa annaaneq ajorpagut, aamma qimagaasut anaaneqarsinnaapput.
- Tusaaneqanngitsutut paasineqanngitsutullu misigimmata, tamanna oqaluuserisariaqarparput.

Imminut toqunnissamik eqqarsaateqaraanni imaluunniit imminut toquttoqarneranik misigisaqarsimagaanni oqarasuaatikkut siunnersorneqarnissaq nunatsinni periarfissaavoq.
 

Inersimasut Attavimmut oqarasuaatikkut normumut 146-mut sianersinnaapput.
Meeqqat inuusuttullu Oqarasuaammut normumut 134-mut sianersinnaapput.


Oqarasuaatit taakku ullut tamaasa ammasarput nal. 19.00-imit 21.00-imut

Peqquteqartarpoq

Nuatsinni imminut toquttut arlalinnik peqquteqarsinnaapput. Soorlu inuuniarnermikkut ilungersuuteqaramik, atornerluisuugamik, kinguaassiutitigut kannguttaatsuliorfigineqarsimagamik imaluunniit ajoqusernermi kingunerlutsitserujussuarneq. Ajornartorsiutillu tamakkua angerlarsimaffimmi oqaluuserineq ajporpagut:

- Inuusuttuulluni kisimiittutut tusaaneqanngitsutut misigisimanarsinnaasarpoq. Ilaqutariinni oqaloqatigiinneq misigissutsinillu annissisinnaaneq pikkoriffiginerusariaqarparput, Heidi Lindholm oqarpoq. 

AAMMA ATUARUK Narsi pisariaqartitsinermini saaffissaaleqisimavoq

Ajornartorsiutillu oqaatiginngikkaanni, imminut toqunnissamik eqqarsaateqalernissamut qanissinnaasoq, tarnip pissusianik ilisimasalik isumaqarpoq. Amerlasuutigullu tamanna imminut toqunnissamik kissaateqarnerunani ikioqqunerunissaa ilimanarnerusoq, taanna oqarpoq.

- Ajoraluartumik imminut toqoriarnerit ilaaatigut iluatsittarput. Ilimagaaralu amerlasuutigut tamanna siunertaavittanngikkaluartoq. Iluatsinnisssaa isumaanngikkaluarluni. Ikioqqunissaq sapernarsimavoq  ilumoorunneqartutullu misigisimanarani immaqaluunniit ajornartorsiornerup oqaatiginissaa ilikkarsimanngikkaanni tamanna oqaatigiuminaalluni.

Saaffissat ersarinngippallaarput

Ajornartorsioraanni imminullu toqunnissamik eqqarsaateqaraanni saaffissat nittarsaanneqanngippallaartut  Heidi Lindholm isumaqarpoq.

AAMMA ATUARUK Imminut toquttarneq akiorniarlugu nuna tamakkerlugu ingerlaaqatigiinneq - assilisatit takutikkit