Sri Lanka Imminut pilliutigiitigaluni qaartitsisoqaqqimmat inuit 15-it toqusut
Sri Lankami sakkutuut isumannaallisaasut politiillu sorsuttartunik Islamisk Statimeersunik ujaasillutik illoqarfinni arlalinni tallimanngornermi unnukkut arfininngornermilu ullaassakkut saassussisarput.
Angutit pingasut illoqarfimmi sineriammiittumi Kalmunaimi illumi ungusaagamik imminut pilliutigiitigalutik qaartitsipput. Meeqqat arfinillit arnallu pingasut tassani toqutaasut AFP allappoq.
Nutaarsiassaqartitsivik Reuters naapertorlugu imminut pilliutigiitigalutik qaartitsisut pingasut toqusutut nalunaarsorneqartunut 15-inut ilaapput.
Taakku pingasut Sri Lankami poorskimi saassussinerni arlaatigut peqataasimasorineqarput. Inuit 250-it poorskimi saassussinerni toqutaapput.
Poorskimi saassussinernut atatillugu, inuit 76-it ilaatigut Syriameersut Egyptenimeersullu politiinit maannamut tigusarineqareertut, nutaarsiassaqartitsivik Reuters allappoq.
