Imminortarnerup akiorneqarnera

Illoqqortoormiuni imminortarneq imminoriartarnerlu ammasumik oqaluuserineqarneq ajormata Paarisap nutaamik periuseqarluni imminortarnermik pinaveersaartitsilernera isumalluarfigineqarpoq.

Paarisa nutaamik periaaseqarluni imminortarnerit pinaveersaartinnissaannik suliniuteqalerpoq. Tassalu siunnersortinik angalatitsinikkut kommunit orninneqaqattaartussallutik. Illoqqortoormiut tikinneqalersut ilagaat. Eigil Lyberth Illoqqortormiuni politeeq oqarpoq imminortarneq illoqarfimminni ammasumik oqaluuserineqarneq ajortoq.

Illoqqortoormiuni tarnip pissusaanik ilinniagalimmik pisariaqartitsisoqarpoq. Ukioq manna imminorniarlutik sioorasaarisimasut 21-usimapput, imminoriartoq ataaseq imminortorlu ataaseq.

- Taakkua sanisigut sapaatit akunnerisa naaneri tamaasa, minnerpaamik inuit marluk sioorasaarisarput imminorumallutik, Eigil Lyberth oqarpoq.

Pitsaaliuinermik siunnersortimik atorfinitsitsinerup saniatigut kommuni allanik aamma pilersaaruteqartoq, tassa Paarisa-mit tikisitap Peqqinnissamut Ataatsimititaliaq naapeqatigissavaa aammalu atornerluisunut katsorsaasumik kommuni tikisitsissaaq sapaatit akunnerini tallimani arfinilinniluunniit katsorsaasussamik.

-Paarisap nutaamik iliuuseqalernera isumalluarnarpoq, pissutigalugu inunnut qaammarsaataassammata, Illoqqortoormiut kommuiani Inunnik Isumaginninnermi immikkoortup pisortaa Juliane Larsen oqarpoq.

Ukioq manna qaammatini arfineq pingasuni nunatsinni 36 –it imminorsimapput 26 –llu imminoriarsimasutut nalunaarneqarsimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat