Imminortarneq pinaveersaartinniarlugu Kulturikkut illorsuarmi Katuami kateripput
- Suna tamarmi taartutut isikkoqarsinnaasaraluartoq qaamaneqartuaannarpoq.
Hans Lynge-p taalliaa Niels Egedellu erinniaa ”Nuilersup qilaap seqinersuata” Kulturikkut Illorsuarmi Katuami ullumi erinarsorneqarpoq.
Imminortarnerup akiorniarneqarneranut ullumikkut ulloq WHO-p ullorititaraa.
Imminortarneq nunatsinni inuiaqatigiit akornanni annertuumik ajornartorsiutaavoq.
Ukioq manna nunatsinni imminortut 35-init amerlanerupput. Nunatsinni imminortartut ukiumut 50-it missaanniittarput.
Ajornartorsiut tamanna qitiutinneqartussaavoq.
Tassalu Katuami ullumi aaqqissuussisoqarpoq, inuillu untritillit missaanniittut ammalortunngorlutik tasiorlutik erinarsoqatigiipput.