Imminornissamut siorasaarinerit siorna amerleriartut

Akerlianilli pinngitsaaliilluni atoqatiginnissimanermik nalunaarutiginninnerit ikileriaateqarujussuarsimallutik.

Nuummi politiit 2007-p ingerlaneranut naatsorsuutaat taama allassimapput.

2006-p ingerlanerani angerlarsimaffinni eqqissiviilliornernik politiinut nalunaarutigineqartut 977-iupput, ukiorlu kingulleq 2007-imi 1035-it nalunaarugineqarlutik.

Imminornissamik siorasaarinerit 134-niit 150-inut amerleriarput, akerlianik pinngitsaaliilluni atoqatiginnissimanermik nalunaarutit 39-niit 15-inut ikileriarlutik.

Politiinulli nalunaarutigineqartut aalakoorpallaarnernut tunngasut aqqusinermi perulluliornernut kiisalu imigassartorsimallutik biilinik ingerlatsisut arlaqarlutik . Tillinniarnerit, biilinillu aallartussinerit kiisalu biilernermik inatsimmik unioqqutitsinerit ikileriaateqarlutik.

Persuttaanernulli tunngasut ikileriangaarsimanngillat 2007-mi persuttaanernik nalunaarutigineqartut 217-iusipput 2006-imilu 220-iullutik.