Imminornissamut eqqarsartut oqaloqaginnittarfiat

Imminornissamik Nuummi eqqarsaateqartunut oqarasuaatikkut saaffiginnittarfimmut Piareersimasumut sianertartut amerlasuut 30–it missaanni ukioqarajuttarput.

Nuup Kommuneani siunnersorti Aviaja Rohman Pedersen sianertumik oqaloqateqartartut ilaat unnersiorpoq oqaloqateqartartut ilaqutaasaqisut.

Aviaaja Rohman Pedersen oqarpoq, imminorsimasut ilaqutaasa aliasunnermik nalaataqarnertik pillugu Piareersimasunut aamma sianertartut.

Amerlasuut oqaloqatigisartakkakka imminornissamik eqqarsaateqalersimasut 30–it 50–llu akornanni ukioqartarput. Tassaasarput ajornartorsiortorujussuit, amerlasoorujussuillu kinguaariinnit misigissutsinik oqaluuserinninneq ajortuneersuunerusarput, periarfissaqartarsimanngillat misigissutsiminnik aniatitsinissamik, taavalu ilumikkut ulikkaartoorlutik sapilertarput oqaluuserinissaallu artorsaatigisaqaat, Aviaaja Rohman Pedersen nassuiaavoq.

Pinaveersaartitsinissamut aqqutigineqarsinnaasut ilaannik tikkuagaqarsinnaanersoq, Aviaaja aperineqarami akivoq.

-Eqqaamaniarnerarlugu, nakorsat ilaata Henning Sloth Pedersen –igunartup oqaatigisimagaa, peroriartornermi perorsaasunit anngaaneqartuaannarneqarnerup killilersorneqannginnerullu kingunerisaanik, itigatinneqatuartup misigisaraa inuttut ajorsartitaaneq. Tamanna ajornartorsiut qaangerniassagaanni meeraanermi perorsaasunit ilinniartitsissutigineqartariaqartoq, nagga itigartitsisutaasoq inooqataaffiusinnaalluartoq.

Ilulissami Sisimiunilu, Nuummisut imminornissamik eqqarsaateqartunut oqarasuaatikkut ikiorsiisarfeqarpoq.