Imminnut akilerniarsaripput

Partiit inatsisartuni ilaasortaatitaqartut aningaasanik taperneqartartut tapissutit pisartagaat marloriaatinngortinniarneqarput. Naalakkersuisooqatigiit pilersaarutaat maanna suliarineqartoq taamatut siunnersuutitaqarpoq.

Tapiissutit marloriaatinngortinneqassappata tamanna akileraartartunut akisussaqaaq.

Maannakkut tapiissutaasartut paatsuugassaanngitsumik inissinneqarsimapput. Inatsisartunut ilaasortaq ataaseq ukiumut 100.000 koruuninik naalakkersuinermik suliaqarnini pissutigalugu taperneqartarpoq.

Tamanna ukiumut 3,1 million koruuninik naleqarpoq.

Aningaasat partiit allattoqarfiisa aningaasartuutaannik matussusiinermut amerlanertigut atorneqartarput.

Siunnersuut nutaaq naapertorlugu tapiissutaasartut allanngortinniarneqarput ima inatsisartuni partiit ilaasortaatitaqartartut tamarmik 400.000 koruuninik tunngaviusumik ukiumut tapiissutisisassapput.

Taakkua saniatigut inatsisartuni ilaasortaq ataaseq ukiumut 150.000 koruuninik taperneqartalissasoq siunnersuutigineqarpoq.

Tusarfiit tutsuiginartut taama radioaviisimut oqaluttuarput.

Tapiissutissatut siunnersuut taamaalilluni ukiumut 6 million 650 tusind koruunit naleqassaaq. Tassa imaappoq marloriaat sinnerlugu amerlanerusunik aningaasartaqassaaq.

Siunnersuut massakkorpiaq partiinit ilusilersorneqarluni oqallisigineqaleruttorpoq. Qaffaanissamilli siunnersuusiornissamut apeqqut partiit siuttuisa kisimik akisinnaajumaarpaat, aatsaammi politikkikkut amerlanerussuteqarunik, Inatsisartut siulittaasoqarfiata inatsisissatut siunnersuusiaq suliarisinnaavaat. Partiinut aningaasaliissutaasartut pillugit siunnersuusiortoqassappat inatsisartut upernaakkut ataatsimiinnissaannut atatillugu saqqummiussisoqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat