Immikkut paarisassanngortitamut suliaq illoqarfiup eqqartuussiviani naammassineqartoq
Kalaaleq 30-nik ukiulik, Axel Otto Berthel Paaviannguaq Christiansen, immikkut paarisassanngortitaalluni Københavnip illoqarfiata eqqartuussiviani maajip qaammataani pineqaatissinneqartoq, eqqartuussut nunap eqqartuussisuuneqarfianut sulereqqitassanngortinniarnagu aalajangerpoq.
Allattoq Helle Nørrelund Sørensen
juunip 13-at 2017 08:01
Nutserisoq Simon Uldum -
Det skriver Ekstra Bladet taama allaaserisaqarpoq.
Axel Christiansen arnamik 39-nik ukiulimmik Københavnimi ullaakkut arparujoortumik pinngitsaaliisimasutut kingornalu toqutseriaraluarsimasutut pineqaatissinneqarpoq.
Arnaq pineqartoq nalunaaquttap akunneri qulingiluat aatsaat qaangiummata ajoqusersimaqaluni nillorsimaqaluni nassaarineqarpoq.
Immikkut paarisassanngortitsilluni pineqaatissiinerit suliareqqitassanngortinneqakkajuttaraluarput, Danmarkimimi pineqaatissiissutini tamanna sakkortunersaammat.
Unnerluutigineqartullu suliap tamaanga killinnissaanik aalajangersimanera unnerluussissussaatitaasup Søren Harbop tupaallaatigaa. Ekstra Bladetimulli oqaatigaa eqqartuussut 'eqqortuusoq'.
