Immikkut ittumik ataatsimiissannguatsiarput
Koreap qeqertaasaani pissutsit ajorsiartorput, sakkutuut Korea Kujallermeersut Korea Kujalliup avataani qeqertap Yeonpyeongip eqqaani sungiusalermata.
Qeqertaq Yeonpyeong Korea Avanarlermit novembarimi qaartartumeerneqarpoq.
Korea Avannarleq sakkutuui tamaani sungiusartinneqassappata Korea Avannarliup sakkortuumik qisuariaateqarnissani sioorasaarutigaa.
Sakkutuut sapaatip-akunnerup tulliani sungiusartinneqarnissaat pilersaarutaavoq.
Sungiusartoqassappalli Korea Avannarliup atomimik sakkulisarluni sorsuttoqaratarsinnaasoq sioorasaarutigaa.
- Tamaani sorsuttoqaqqilissagaluarpat soorunami atomimik sakkulisartoqassaaq, kingullermik maani sorsuttoqarneranut sanilliunneqarsinnaanngitsumik sorsuttoqalissagaluarluni, Korea Avannarleq nittartakkamini allappoq.
USA-mi New Mexicomi guvernøri Bill Richardson maanna Korea Avannarlermiippoq, tamaani siuttut pisortatiguunngikkaluamik oqaloqatigiartorlugit.
