Immikkut ittumik ataatsimeersuartoqassanersoq tusarniaassutigineqarpoq

Doris Jakobsenip partiimi Siumumi siulittaasuugallarnissaa Siumumi siulersuisuunerit ippassaq ualikkut aalajangiuppaat. Siulersuisuunerit aamma aalajangiuppaat Siumut piffissami qanittumi siulittaasortaarniassammat siulersuisuunerit Inatsisartunngortut ataatsimiigiaqqussagaat. Sermitsiap nittartagaani tamanna atuarneqarsinnaavoq.
Allattoq Mads Lynge
juunip 04-at 2009 06:24

Siulittaasut nikinnerat immikkut ataatsimeersuarnikkut pissanersoq Siumukkormiut maanna oqaluuseraat. Apeqqut taanna Siumup immikkoortortaanut tusarniaassutigineqartussatut nassiunneqarpoq.

Partiimi siulittaasuugallartussatut toqqarneqartoq, Doris Jakobsen, oqarpoq siulittaasunngorniarnissani eqqarsaatiginagu, Aleqa Hammond, Siumumi taaguunneqarnerpaasoq, tikkuarlugu.

- Aleqa Hammondip qinigaanerata inernera tusaatissatut tiguara, siulittaasuunissaminut piukkunnarnerpaavoq, 30-nik ukiulik, Doris Jakobsen Sermitsiap nittartagaani issuarneqarpoq. Siunissamili siulittaasunngorusussinnaanini aamma miserratiginngilaa.

Siulittaasutut tunuarniutini Hans Enoksenip ippassaq tunniuppaa, taannalu siulersuisuunernit Inatsisartunilu gruppinit tusaatissatut tiguneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq