Immikkut ilisimasalik: Nukappiaqqat misigisatik nakkarsaatigiinnarpaat

Meeqqat ulloq unnuarlu paaqqinnittarfimmut Tûgdlimmut inissinneqartartut, misigissutsimikkut ajornartorsiuteqareersut suli ajornerulersinneqarput, taamatut naliliivoq ulloq unnuarlu angerlarsimaffinni pissutsinik immikkut ilisimasalik.

Tarnip pissusaanik immikkut ilisimasalik Connie Gregersen Kalaallit Nunaanni ulloq unnuarlu angerlarsimaffinni pissutsinik ilisimasaqarluartoq, kalaallit meerartaasa tarnimikkut katsorsarneqartarnerat perorsaariaaserlu pillugit atukkiaqarpoq, ukiullu 15-it taakkuninnga suliaqarluni.

Meeqqat Tûgdlimmut inissinneqartut, Tûgdlimmit allaaserineqartut malillugit,  pisariaqartitaannik tunineqarnissaat anguniarneqarpoq.

Ulluinnarni maleruaqqusat malinneqarnissaat, tatiginartunik avatangiiseqarnissaat, meeqqallu ataasiakkaat atugaasa soqutigineqarnissaat pisariaqartitaannillu ikiorneqarnissaat siunertaavoq,  tarnip pissusaanik immikkut ilisimasalik Connie Gregersen oqarpoq.

- Tugdlimmit  allaaseriserineqarnerat malillugu nukapiaqqat Tûgdlimmut inissinneqarnissamut naleqqupput, kisiannili iliuuseqartut ilumuunngillat, Connie Gregersen oqarpoq. Taanna Tûgdlimmi pissutsit radioaaviisimit pissarsiarineqartut malinnaavigereerlugit aamma nalunaarusiap ilaa atuareerlugu taama naliliivoq.

Meeqqat nikanarsarneqartarnerannik paarinerlunneqartarnerannillu oqaatigineqarsinnaasunik arlaqartunik nalunaarusiami allaaserineqartut atuarsimallugit Connie Gregersen oqarpoq.

Meeqqat takkua soorlu mattussaallutik pillarneqartarsimanerat taakkununnga qanoq sunniuteqartarpa?

- Avatangiisinut mattunneqarunik eqqarsartaatsimikkut ineriartorsinnaanngillat.Tuullimmi sulisut meeqqanik sullissinerminni taamatut iliorlutik akissarsiunngillat aamma taamatut pissusilersorneq inerteqqutaavoq.  Nukappiaqqat ineriartornissaannut iluaqutaanatik nakkarsaataapput, Conni Gregersen oqarpoq.

Tuullimmi meeqqanut periusissat pillugit ilaatigutima allassimavoq:  meeqqat pillarneqarlutik, mattunneqarnissaannut aarlerisaarneqartassapput.

Nukappiaqqat Tuullimmut inissineqartut pillarlugit mattuneqartarnerat ilaqutaasinnaanersoq, Connie Gregersen aperineqarami taanna isumaqarpoq periuseq taanna kukkunerujussuusoq.

- Meeqqat takkua kukkusumik iliornertik pissutigalugu Tuullimmut inissinneqanngillat, ikiorneqarnissartillu pillugu Tuullimmut inissinneqartarput.  Meeqqat ulloq unnuarlu angerlarsimaffinnut inissineqartarput, siornatigut ilisimanngisaminnik ilikkagaqarniassamata, Connie Gregersen oqarpoq.

- Perorsarneqarnerminni  amigaatigisaat suunersut pasiniartussaavagut, amigaatigisaanillu tunillugit. Meeqqat misigissutitsigut annertuunik annaasaqarnikuuppput, amigaatilerujusuullutillu. Meeqqat inissinneqartut amerlasuut annaasaqareernikuupput, inissinneqarnermillu kingorna aamma annaasaqartarlutik, Connie Gregersen oqarpoq, aperalunilu, meeqqat inissinneqarnerisa kingorna pisinnaatitaaffiiaassanerivut, namminerlu isumarput malillugu perorsarlugit?

Meeqqat misigissutsimikkut nalimmassarneqarnissaat anguniarlugu ulloq unnuarlu angerlarsimaffinnut inissinneqartarput.

- Meeqqat angerlarsimaffigisaminni pillarneqarlutik paarinerlunneqarlutillu pineqartartut inissinneqarnermi kingorna aamma taamatut pineqarunik ineriartornerat ajortumik kinguneqassaaq, naak ajortumik ineriartornerat pillugu inissinneqaraluartut. Tassalu imatut kinguneqassaaq, misigissutsikkut sakkortuumik atugaat, inissinneqarnermi kingorna suli sakkortuninngussallutik, Connie Gregersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat