Immikkut atuartitsisalernissamut isuma ammaffigaa
- Isumaqarpunga siunnersuutigineqartoq pissanganartuusoq, atuartummi annerit sinniisaasa nammineerlutik siunnersuutigaat atuartitsinermi angusaqarnerunissamik siunertaqartoq,
Palle Christeansen oqarpoq.
Taamatullu siunnersuuteqarneranni atuartut pikkorinnerit sanngiinnerusullu agguataarneqarnerini atuartut atuartsinneqarnerminni tulluunnerusumik atuartsinneqarlernermikkut pitsaanerusoq anguneqarsinnaappat siunnersuutigineqartoq tapersersornartsillugu Palle Christeansenip oqaatigaa.
Meeqqalli atuarfiini peqqussutsit maanna malinneqartoq, tassa atuartut sanngisuut sanngiitsullu ataatsimoortillugit atuartsinneqarnerannik isuma pitsaasuusoq IMAKip siulittasua Sivso Dorph oqarpoq.
- Maanna taama peqqussutit malillugit atuartitsisoqartarnera pitsaasuuvoq, taamaalillunimi piginnaasakinnerit piginnaasaqarnerusunut nuannaartoreqatigiinnermik nassataqarsinnaasarmat. Taamaalillutillu imminnut kivitseqatigiissinnaasarlutik, Sivso Dorph oqarpoq.
Atuartulli sinniisaasa siunnersuutigisaat Naalakkersuisut isummerfigisassarigaat Sivso Dorph oqarpoq. Allannguisoqassappallu eqqarsaatissat arlaqarnerarlugit.