Immiaaraq puiaasaaqqanut 33 centiliterinik imartutigisunut maqinneqartassaaq

Nuuk Imeq A/S aamma Greenland Brewhouse Aps.

Kalaallit immiaaraliaannik Narsameersumik, Nunattalu Sermersuanit aatsitsilluni sananeqarsimasumik,

2007-imi atuuttussamik Nunatsinni tuniniarneqaler-sussamik, isumaqatigiissusiorput. Immiaaraq kujataani sananeqartartoq taamaallaat nunani allani aamma mittarfeqarfinni akitsuuteqanngittunik pisiniarfiusartuni maannamut pisiarineqarsinnaagaluarpoq.

Kalaallit immiaaraliaat Greenland Brewhouse-mi Narsamiittumi maqinneqartarpoq, tassanngaaniillu Nuuk Imermut immiaaraasivinnut tankinut assartorneqartassaaq, taavalu tankiniit immiaaqqat puuinut 33 centiliterinut maqinneqartassalluni.

Immiaaqqat puui utertittagaasut Nunatsinni pisiniarfinnut assartorneqarneri Nuuk Imermit isumagineqartassapput.

Greenland Brewhouse-p nioqqutissaatai Nuuk Imerup puiaasaaqqani utertitagaataaniittut qavannga Nanortalimmiit avunga Upernavik tikillugu pisiarineqarsinaalissapput.

Greenland Brewhousip immiaaqqat tunisassiai maannakkut immiorneqareerlutik Narsami quersuarmi tankini uninngatinneqarput. Sermeq atorlugu immiaaraliaanit maqitsinissaq siulleq maajip qiteqqunnerani pissaaq, tamatuma kingorna immiaaqqat nioqqutissiarineqarsimasut sinerissami illoqarfinnut tamanut nassiussuunneqarumaarput.