Immiaaraq Hof kingullermik immiorneqarpoq
Ullumi immiorfiup Carlsbergip immiaaraq Hof kingulleq immiormagu Københavnip eqqaani Valbybakkemi malunnartinniarneqarpoq.
Allattoq Louise M. Kleemann
oktobarip 30-at 2008 12:35
Immiorfik aallarteqqaarmat ullormut sisamariarluni immiortoqartarpoq, tassa ullormut 160000 literi immiorneqartarluni. Immiorfik, kangussannik arfineq pingasunik immiorferujussualik, taamani 1 milliuuni koruuninik akeqarsimavoq. Ulloq malunnartinniarlugu immiorfimmi sulisut katersuutsinneqarput. Ukiuni 38-ni immiorfimmi sulisimasup, Poul Graversen-ip suliffitoqqani suliffitsialak kusanartoq ungagigaluaqaa, upernaamulli utoqqalinersiuteqalertussaagami naammagiinnarlugu. Naggataatigullu immiorfitoqqami Hoffiliorneq kingulleq aallartineqarpoq:
Immiugassarpassuit immiorfinnut kuerarneqaraangamik tassa taamatut nipeqartarput, taakkualu imermik akuneqariarlutik tassa kiviniaqqaarallassapput. Tassalu immiorfitoqqami Hoffiliorneq kingulleq.
