Immiaaqqat sodavandillu tunisat ikileriarput

Nuuk Imeq 2011-mi immiaaqqanik ikinnerusunik 2010-mut sanilliullugu tunisaqarpoq, 5 procentinik ikinnerusunik tunisaqarluni. Sodavandit aamma ikinnerusut tunineqarput, 7 procentinik ikinnerullutik. Saftit tunisat aamma ikileriarput, 14 procentinik ikileriarlutik.
Allattoq Mads Lynge
marsip 16-at 2012 10:27

Tunisineq ataatsimut isigalugu appriaateqaraluartoq, naatsorsuutit takutippaat Nuuk Imeq akileraarutit ilanngaatigereerlugit 22,3 millionit koruuninik siorna sinneqartooruteqartoq.

- Tuniniaaviit annikilliartornerata erseqqissineratigut siulersuisut angusaq naammaginartutut isigaat, Nuuk Imeq tusagassiutinut nalunaarummi ilaatigut taama allappoq.

Nuuk Imeq 2012 aallarnerfigalugu nassiussuisarnini allanngortippaa, unammilleqatigiinnermi oqartussaatitaasut peqqussutaat akuersaarlugu KNI-p Nuuk Imerlu kisimik niueqatigiittarnerat unitsillugu.
Pisisartut allat immiaaqqanik imeruersaatinillu Nuuk Imeq-mi toqqaannartumik pisisinnaanerannik taassuma kingorna ammaanneqarput.

Nuuk Imerup Godthåb Bryghus Nanoq Beer Greenlandilu immiaaqqanik 2011-mi maqitsissuttarpai.

Namminersorlutik Oqartussat annertuumik misissuisitsisimanerata erseqqissumik takussutissaqalersippaa Kalaallit Nunaanni immiaaqqat imeruersaatillu puiaasartaannik utertitsisarneq attatiinnarneqarpat iluaqutissartaqartoq, siulersuisut taammaammat puunik utertitsisarneq pioreersoq pisarnermisut atatiinnarneqassasoq tutsuiginartippaat.

Nuuk Imeq piffissaq ilivitsumi 46-nik sulisoqarpoq.