Immiaaqqat aalakoornartortaqanngitsut nunatsinnut eqqunneqarsinnaanngortut
Immiaaqqanik aalakoornartortaqanngitsunik eqqussissiqarsinnaareeraluartoq taamaaliornissaq orniginartinneqanngilaq.
Nunatsinni immiaaqqat sodavandillu puiaasamut maqinneqartarput nunatsinni utertsitsivinnut tulluussarlugit.
Nunatsinnili immiaaqqat aalakoornartortaqanngitsut maqinneqartalernissaat imminut akilersinnaanngitsutut nalilerneqarpoq, tuniniarneqartussat naammattunik pisiarinissaqarsorinngimmata.
AAMMA ATUARUK Immiaaqqat aalakoornartortaqanngitsut nioqqutaalersinnaanissaannut isumaqataasut
Justus Hansenilli Demokraatineersup Inatsisartut upernaaq ataatsimiinneranni siunnersuutigimmagu inatsisip qasukkarnissaa Naalakkersuisut akueraat, taamaalilluni immiaaqqat aalakoornartortaqanngitsut eqqunneqarsinnaanngorlutillu tuniniarneqarsinnaalerput.
- Immiaaraq aalakoornartortaqanngitsoq immiaaqqamit aalakoornartortalimmit peqqinnarneruvoq. Nunani allanit misilittakkat takutippaat immiaaqqat aalakoornartortaqanngitsut pingaartumik ilaqutariinnit meerartalinnit piumaneqarusartut, aqqusinikkullu angallannerup isumannaatsuunissaanut iluaqutaasut Naalakkersuisut upernaaq siunnersuummut akissuteqarput.
Inatsit malillugu immiaaqqat aalakoornartortaqanngitsut aalakoornartumik annerpaamik 0,5 procentimik akoqarsinnaatitaapput.
