Immaqa uuliaarluertoqarsimavoq

Kangilinnguani sakkutooqarfiup nalunaarutigaa ualimut Canadamiut oqartussaasuinit nalunaarfigineqarlutik, Qeqertarsuup avannaata kitaani uuliaarluerfiusinnaasumik takusaqartoqarsimasoq.
Allattoq Elisa Isaksen
juunip 25-at 2008 16:07

Franskit timmisartuanit “Air France”-meersumit ullumi Qeqertarsuup avannaata kitaani kajorujuttoq 30 sømilinik isorartutigisoq takuneqarsimavoq.

Sinerissamik alapernaarsuut ‘Vædderen’ unnummut takunniffiusumukartinneqarpoq. Alapernaarsuutip qulimiguulia iluaqutsiullugu mingutsitsinerup annertussusaa aamma misissugassamik tigusinikkut mingutsitsinerup suunera paasiniarneqassasut, Kangilinnguani Sakkutooqarfik nalunaarpoq.