Immap qaffakkiartornera ilimagisamit sukkanerussaaq
Sermersuaq ilimagisamit aakkiartorneruvoq. Taamaammat immap qaffakkiartornera sukkanerusumik pisinnaavoq.
Nunarsuatta silaannaata kissakkiartornerata malitsigisaanik sermersuaq sermimik qallerneqarsimavoq, aputillu sermiup ataaniittup imeq aattoq uninngatiinnarsinnaajunnaarsimavaa.
- Taamaattumik imeq aattoq annertunerujussuaq immamut kuuttarpoq, tamannalu immap sukkanerusumik qaffakkiartorneranik kinguneqarsinnasoq, atuagassiaq videnskab.dk allappoq.
- Silaannaap kiannerunerata nalaani, soorlu 2009-mi 2010-imilu sermimik sermersuaq qallerneqartarpoq. Taassuma sermersuup aakkiartornerani imeq milluguttarpaa, ilisimatooq Jason Box GEUS-imi ilisimatooq Videnskab.dk-mut oqarpoq.
- Maanna sermersuarmi misissukkatsinni aput 40 meterisut issutiginani sermeq 3 meterisut issutigivoq.
Tassa allatut oqaatigalugu imaappoq, imeq aattoq imarmut ilimagisatsinniit kuunnerujussuuvoq.
- Tamannalu nuannerpallaanngitsumik tupaallannartuuvoq. Taamaammat siunissami immap qaffakkiartorneranik naatsorsorneqarsimasut suli qaffasinninngorlugit inissititerneqartariaqarnissaat, Jason Box oqarpoq.
