Immap naqqatigut kabelip suliarineqarnerata internetti arriinnerulersissinnaagaa
Nuup eqqaani immap naqqatigut kabilit sapaatip akunnerani matumani suliaqarineqalertussaapput. Telepost eqqaasitsissummik taama nalunaaruteqarpoq.
Allattoq Bikki P. Kleist
oktobarip 25-at 2017 10:26
Suliaqarnissaq siusinnerusukkut nalunaarutigineqarpoq, kabelillu suliarineqarneranni internetsimik atuisunut tamanna sunniuteqassaaq.
Nuup kujataatungaani nunaqarfinni illoqarfinnillu sapaatip akunnera sinnilaarlugu internetsi
arriillisarsinnaavoq.
Suliaqarnerup nalaani sila suliaqarnermut ilaatigut apeqqutaasinnaasoq, Telepostip aamma
nalunaarutigaa.
Kabelit sisamanngornermit suliarineqalissapput. Tele-postillu neriuutigaa, suliaqarneq novembarip sisamaata tungaanut tassa arfininngornerup tulliata tungaanut ingerlanneqartussaq naammassineqarumaartoq.
Tele-Postip ingerlatsinermut paasissutissanut nittartagaani malinnaasoqarsinnaavoq.