Immap naqqatigut kabel Nuummiit Aasiannut ilaneqarnissaa kinguartinneqarpoq

Tele-Postip siulersuisui aalajangerput immap naqqatigut attaveqaatip Nuummit Aasiannut tallineqanissaa radiokædelillu ilaneqarnissaat ukiumik ataatsimik kinguartinneqassasoq. Aningaasaliiffigissassat taama amerlatigisunik anigaasartaqartut kingunerisassat qulakkeerneqartariaqarput, Stine Bosse siulersuisuni siulittaasoq oqarpoq.

Tamatuma kingunerisussaanngorpaa,  immap naqqatigut attaveqaatip tallineqarnissaa aamma radiokædip attavilernerneqarnissaa ukiumik ataatsimik kinguartinneqarneranik, Tele-Post tusagassiuutinut nalunaaruteqarluni taama allappoq. 

Søkabel aamma radiokæde

Immap naqqatigut attaveqaatip søkabelip Nuummiit Aasiannut tallineqarnissaannut Tele-Post annertuumik aningaasaliisussanngorpoq,  radiokædemik sakkortunermik  Aasianniit Ilulissanut attaaviliinissamut taannalu Uummannamit Upernavimmut aamma ilaneqarnissaanut. 

Aningaasaliinerit taamak annertutigisut aalajangiiffigineqarnissaannut  naammattumik tunngavilersorneqarnissaat pisariaqartoq, Tele- Postip siulersuisuini siulittaasoq Stine Bosse oqarpoq,

-  Taakkua pillugit eqqarsarnissatsinut sivisunerusumik piffisaqartariaqarpugut,  sumiiffinni inukinnerusuni internetimik attaveqaatinut Tele-Post aningaasatigut annaasaqartarpoq.

- Immap naqqatigut attaveqaat tallineqarnerpata aamma radiokædemi attaaveqaatit ilaneqarneqarpata Tele-Postip annaasaqaatigisartagai amerlanerulissapput, Stine Bosse oqarpoq.

Mobilikkut attaviit namminersortunut tunniunnerisigut TELE-POST isertitakinnerulissaaq, siunissamilu mobilikkut attaviit aqqutigalugit isertitassat internetikkut atuinermut akikillisaataasinnaassanngillat.

Annertuumik aningaasaliinissat misissorneqarput

Aningaasaliinissaq annertooq aammalu mobilitigut sullissineq siunissami qanoq isikkoqassanersoq nalunarmata ukiuni tulliuttuni aningaasartuutigineqartussat  peqqissaartumik misissorneqarput, Stine Bosse oqarpoq.

 - Tele Post  suliffeqarfiuvoq sinneqartooruteqartussaanik naatsorsutigineqartoq  taamaaliortoqarnissamillu neriorsuuteqarpugut,   taamaatumillu namminersortunngorsaanermik qanoq kinguneqarnissaanik ilisimaneqanngitsumik  eqqartuitilluta qulakkeerinittunik tunngaveqartariaqarpugut asuliinnaq neriorsuinnginniassagatta, Stine Bosse oqarpoq. 

 Tamatuma kingunerissussanngorpaa immap naqqatigut  kabelip ikkussorneqarnissaa ukiumik ataatsimik kinguartinneqartariaqarmat.  Immap naqqatigut kabeli aamma radiokæde aningaasaliisoqarpat tallineqassapput.

Qulakkeerneqartussat tassaapput immap naqqatigut kabelip aamma radiokædet aningasaliiffigineqarnissaat  taamaaqataanillu  suliffeqarfimmik piginnittup  iluanaaruteqarnissamik naatsorsuuteqarnera taakkualu qulakkeerneqartariaqarput, Stine Bosse oqarpoq.

  

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat